امتحان الدور الثانى بتاع الثانوية العامة

الامتحان


الاسئلة كلها اجباري يا روح نينة انت وهو (مش عايز حد يحور في الورقة)



الاسم ........................... النايك نيم............................
الايميل ع الياهو...................الايميل ع الهوت.....................
نوع الموبايل.......................نغمة الموبايل .....................
نوع لبسك اية كلاسيك ولا كاجوال......................................

السؤال الاول:
(عن الكورة)اللي جابتنا لورا


1/في ماتش الاهلي والزمالك من عشر سنين اللي خلص 3/0 للاهلي مين اللي سنتر من لعيبة الزمالك بعد الجول التاني؟



2/في مباراة غزل المحلة في الاسبوع العشر من الدوري من عشر سنين برضة مين اللي حكملهم؟

3/مين اللي كان بيناول لعيبة الزمالك المية في ماتشهم مع مولودية وهران في البطولة العربية؟

4/عالميا...مين الحلاق بتاع بيكهام؟

5/مين صاحب اللاعب ديل بيرو الانتيخ (الانتيم سابقا)؟


السؤال التاني:
(الفن)


1/كم فستان (او طقم عادي يعني) ارتدتة الفنانة القديرة نجلا في اغنيتها الخالدة (بح)_دة لو كانت لابسة يعني ؟

2/كم بنت قام المطرب العاطفي جاد شويري بتوقيع اتوجرافات لهم علي موبايلاتهم بعد حفلة في مصر؟

3/من هو الكوافيرارانجي اللي ظبط شعر هيفاء في اغنيتة العاطفية (رجب) حوش صاحبك عني؟


4/في اغنية المطربة صاحبة الصوت الشجن (روبي) طب لية بيداري كدة_(مع انها مادارتش حاجة) اية نوع الكوتشي اللي كانت لابساة .نايك ولا اديداس ولا بوما ؟


5/في اغنية الفنانة سيدة الغناء الاستعراضي بوسي سمير (اطلعلة برة يجيني جوة_ما تريحها يا عم وخلاص)كم من الوقت غنت وكم من الوقت رقصت يعني تحدد الرقص قد اية والغنا قد اية (بس بذمة) ؟

السؤال التالت:
(عن العلوم)

1/ما هو اسم والدة العالم انيشتين؟

2/من هو صاحب البيت اللي كان ساكن فية الفيلسوف سقراط؟وكمان اسم البقال ؟

3/ما هو نوع الفطار الذي كان يتناولة العالم احمد زويل بعد حصولة علي جائزة نوبل؟



طبعا العشرة الاوائل جائزتهم اتغيرت بعد ماكانت رحلة حول العالم زيارة اهم الاماكن السياحية في العالم بقت رحلة مع الفنانة بوسي سمير في جولتها الفنية خارج الوطن(يعني هتبقو انتوا فرقتها لمدة اسبوع) هيصوا



بالتوفيق للجميع





--------------------