شوفو حركاتنا وقت المذاكرة و الامتحانات

هههههههههه
انا عارف انا داخل بضحكة شريرة هاهاهاها
اصل انا هيست والحرب طلعت فى دماغى
يلا بقى كفاية رغى





يلا بقى هوريكو بقى احنا بنعمل ايه بصراحه وقت المذاكرة والامتحانات

1- لازم ال3 وجبات الرئيسية لازم باكلهم كلهم وبتانى ويقعد عليها قعدة وكمان ممكن يزود وجبات اضافية (لو المادة دسمة)

2- يقعد بقى يتمسكن ويقول انا تعبان انا عيان ويروح لمامته ويقولها يا ماما الحقينى مش قادر اذاكر دة باين حد فقعنى عين جابنى الارض وجابلى العيا قبل الامتحان تقعد ياعينى مامته المسكينة تقرا عليه قران وترش عليه مية زمزم علشان الحسد وهو بيعمل كل الحبتين والشويتين بتوعه دول علشان لو سقط يبقى هو اتحسد



3- وسبحان الله وسواس النضافة ينزل عليه ايام الامتحانات فجاة ومن غير توقع وياخد شاور صبح وبليل وقبل وبعد كل وجبة وقبل وبعد كل صلاة ومامته تقوله يا بنى روح خلص مذاكرتك الامتحان يقولها ان الله جميل يحب الجمال وينزل طبعا يلمع ويغسل فى العربية كل نص ساعة يطلع ياخد شاور شغال طول اليوم على كدة



4- وفجاة برده (انا مش عارفة انا ايه المفاجات اللى ورا بعضها دى) تنزل عليه صلة الرحم ويقوم يكلم واحد من ولاد اعمامه اللى من زمااااااااان مكلمهوش ويشوفه لو فاضى بعد العصر يعدى عليه ويخرجو ويتفسحو ويظبطو مع نفسيهم برة وبعد ما يخلص يعدى على جده وجدته واهله وحتته ويسلم عليهم واحد واحد وفى كل بيت يشرب كوباية شاى ويقعد ساعتين معاهم( وبعد الامتحانات يبقى مسافر فى زمن النسيان ولاد اخر زمن)



5- وفجاة برده يانبه ضميره يا عينى الولة بقالو كتير مدخلش المنتدى يقول بقى انا ادخل اشوف الناس اللى ردو على مواضيعى الجديدة(وهو بقالو يجى شهر معملش ولا موضوع جديد ) ويدخل يقعد يرد على مواضيع المنتدى كله وبعدين يبعت رسايل خاصة لكل الاعضاء (قال يعنى الواد اجتماعى اوى ومقطع السمكة وديلها)



6- ويجى بقى ايام الامتحانات يصلى كل صلاة فى وقتها وبعد كل صلاة يقعد يدعى يجى نص ساعة وطبعا بيصلى السنة ويقرا يجى 3 اجزاء من القران فى اليوم والصلاوات كلها لازم تكون جماعة (ايه التقوى اللى نزلت عليه فجاة دى)




وبس كفاية عليكو كدة
يلا بقى عايزاشوف ردودكو الجميلة
نيا نيا نيا نيا هاهاهاهاها

ههههههههههههههههههههه
توبيك تحفه